Telangana | దంపతుల మధ్య మొదలైన ఓ చిచ్చు వారు ఉంటున్న ఇంటినే కాల్చేసింది. భార్యతో గొడవ కావడంతో తీవ్ర ఆగ్రహానికి గురైన ఓ భర్త కిరోసిన్ పోసి ఏకంగా ఇంటికే నిప్పు పెట్టాడు. రాజన్న సిరిసిల్ల జిల్లా తంగళ్లపల్లి మండలంలో ఈ దారుణ ఘటన చోటుచేసుకుంది.
వివరాల్లోకి వెళ్తే.. తంగళ్లపల్లి మండలం పద్మనగర్కు చెందిన బాల పోశయ్య, రాజేశ్వరి దంపతులు శనివారం మధ్యాహ్నం గొడవ పడ్డారు. ఈ క్రమంలో ఆగ్రహానికి గురైన భర్త పోశయ్య ఇంటిపై కిరోసిన్ పోసి నిప్పంటించాడు. ఒక్కసారిగా ఇంటికి మటలు అంటుకోవడంతో స్థానికులు అగ్నిమాపక సిబ్బందికి సమాచారం అందించారు. ఘటనాస్థలికి వచ్చిన ఫైర్ సిబ్బంది మంటలను ఆర్పేశారు. కాగా, ఈ ఘటనలో భార్యాభర్తలకు స్వల్ప గాయాలయ్యాయి. ఇల్లు పూర్తిగా దగ్ధమయ్యింది.