మహబూబ్నగర్ : మహబూబ్నగర్ జిల్లా(Mahbubnagar) కేంద్రంలోని అశోక్ టాకీస్ చౌరస్తా వద్ద భారీ అగ్నిప్రమాదం (Fireaccident) చోటుచేసుకుంది. చౌరస్తా సమీపంలోని అమ్మవారి దేవాలయం పక్కన ఉన్నటువంటి సాయిరెగ్జిన్ షాపులో(Reggin shop) ఒక్కసారిగా పెద్ద ఎత్తున మంటలు చెలరేగాయి. దట్టంగా పొగ కమ్ముకోవడంతో జనం భయంతో పరుగులు తీశారు.
షార్ట్ సర్క్యూట్ కారణంగా మంటలు చెలరేగడంతో మంటలు ఎగిసిపడి పక్క షాపులకు కూడా వ్యాపించాయి. దీంతో స్థానికులు ఫైర్ సిబ్బందికి సమాచారం అందించారు. సంఘటన స్థలానికి చేరుకున్న అగ్నిమాపక సిబ్బంది మంటలను ఆర్పుతున్నారు. ఎంత ఆస్తి నష్టం జరిగింది, ఏదైనా ప్రాణనష్టం జరిగిందా అనే విషయాలు తెలియాల్సి ఉంది.