దేవరకద్ర రూరల్ (చిన్న చింతకుంట), జూన్ 5 : ఓ చిన్నారి పాలిట ఊయలే యమపాశమైంది. చీరతో కట్టిన ఊయలలో ఆడుకుంటుండగా మెడకు చుట్టుకొని(Cradle wrapped) బాలిక మృతి(Girl died )చెందింది. ఈ విషాదకర సంఘటన మహబూబ్నగర్ జిల్లా(Mahabubnagar) చిన్నచింతకుంట మండలం ఉంద్యాల గ్రామంలో బుధవారం చోటు చేసుకున్నది.
స్థానికులు, బాధిత కుటుంబసభ్యుల కథనం మేరకు.. ఉంద్యాలకు చెందిన గొల్ల కురుమన్న, శైలజ కూతురు అనూషిత (11) తోటిపిల్లలతో కలిసి చెట్టుకు చీరతో కట్టిన ఊయలలో ఆడుకుంటున్నది. ప్రమాదవశాత్తు పాప మెడకు చీర చుట్టుకున్నది. ఆలస్యంగా గమనించిన తల్లిదండ్రులు అమరచింత దవాఖానకు తరలించగా, అప్పటికే చిన్నారి మృతి చెందినట్లు వైద్యులు తెలిపారు. అనూషిత మృతితో తల్లిదండ్రుల రోదనలు మిన్నంటాయి.