జోగుళాంబ గద్వాల : రైతు పొలంలోని పూడుకుపోయిన పురాతన వ్యవసాయ బావిని( Well) మళ్లీ తవ్వుతుం డగా.. ఓ రైతుపై మట్టిదిబ్బలు కూలి మృతి(Farmer died) చెందిన సంఘటన జోగుళాంబ గద్వాల జిల్లాలో (Gadwala district )చోటు చేసుకున్నది. గ్రామస్తుల కథనం మేరకు.. కేటీదొడ్డి మండలం ఇర్కిచేడు గ్రామానికి చెందిన రైతు జనార్దన్రెడ్డి పొలంలో పురాతన వ్యవసాయ బావి పూడుకుపోయింది. అయితే గురువారం జేసీబీ సాయంతో పూడికతీత పనులు ప్రారంభించాడు. బావి గుంతలోంచి ఇసుక పెద్దమొత్తంలో వస్తుండడంతో పరిశీలించేందుకు జనార్దన్రెడ్డి సమీప పొలానికి చెందిన రైతు జయరాం(35) బావిలోకి దిగాడు.
ఈ క్రమంలో ఇసుక, మట్టిదిబ్బలు ఒక్కసారిగా ఆయనపై కూలిపడ్డాయి. సమాచారం అందుకున్న పోలీసులు హుటాహుటిన ఘటనా స్థలానికి చేరుకున్నారు. జేసీబీ రప్పించి మూడు గంటల పాటు శ్రమించి మట్టి దిబ్బల ను తీయించగా అప్పటికే అతడు మృతి చెందాడు. కేసు నమోదు చేసుకొని మృతదేహాన్ని పోస్ట్మార్టం నిమి త్తం ప్రభుత్వ దవాఖానకు తరలించారు. మృతుడికి భార్యతోపాటు ఇద్దరు పిల్లలు ఉన్నారు. జనార్దన్రెడ్డి మృతితో గ్రామంలో విషాదఛాయలు అలముకున్నాయి.