మియాపూర్, జూన్ 5: వీధి కుక్కల దాడిలో ఓ చిన్నారి మరణించిన దారుణ ఘటన హైదరాబాద్ మియాపూర్ ఠాణాపరిధిలో బుధవారం చోటుచేసుకున్నది. మక్తా డంప్యార్డ్ సమీపంలో నివాసం ఉండే వీరేశ్ కుమారుడు బొసల్ల సాత్విక్ (6) మక్తాలోని ప్రాథమిక పాఠశాలలో ఒకటో తరగతి చదువుతున్నా డు. డంప్యార్డు పరిసరాల్లో నిత్యం శునకాలతో సాత్విక్ ఆడుకుంటాడు. మంగళవారం సాయంత్రం కూడా డంప్యార్డ్ వద్దకు వెళ్లి కుక్కలతో ఆడుకున్నాడు. రాత్రయినా ఇంటికి తిరిగి రాలేదు. బుధవారం ఉద యం సాత్విక్ మృతదేహం డంప్యార్డు వద్ద ఉన్నట్టు స్థానికులు గుర్తించి సమాచారం అందించారు. కేసు నమోదు చేసుకున్నట్టు మియాపూర్ సీఐ దుర్గా రామలింగప్రసాద్ తెలిపారు.