ధర్మారం, జూన్6 : ఇంటి ముందు నిలిపిన ట్రాక్టర్ను(Tractor) తాత రివర్స్ తీస్తుండగా, టైర్ల కింద పడి మనుమడు మృతి(Boy died) చెందిన ఘటన పెద్దపల్లి జిల్లా(Peddapally) ధర్మారం మండలం దొంగతుర్తిలో జరిగింది. ఎస్ఐ టీ సత్యనారాయణ తెలిపిన వివరాల ప్రకారం.. మ్యాన భవాని- ఓంకార్ దంపతులకు ఏకైక కొడుకు వేదాన్ష్(4) ఉన్నాడు. వారి ఇంటి ముందు నిలిపి ఉన్న ట్రాక్టర్ను గురువారం బాలుడి తాత మ్యాన ప్రభాకర్ స్టార్ట్ చేశాడు. కొంతదూరం ముందుకు తీసుకెళ్లిన తర్వాత వెనక్కి తిప్పాడు.
ఈ క్రమంలో వేదాన్ష్ ఇంట్లో నుంచి ఒక్కసారిగా పరుగెత్తి ట్రాక్టర్ వెనుకవైపు చేరాడు. ప్రభాకర్ గమనించకపోవడంతో టైర్ల కింద పడ్డాడు. తలకు తీవ్రమైన గాయమై అపస్మారక స్థితిలోకి చేరాడు. కుటుంబ సభ్యులు వెంటనే పెద్దపల్లిలోని దవాఖాకు తరలిస్తుండగా, మార్గమధ్యంలో మృతిచెందాడు. బాలుడి మృతితో తల్లిదండ్రులు, తాత కన్నీరుమున్నీరయ్యారు. తండ్రి ఓంకార్ ఇచ్చిన ఫిర్యాదు మేరకు కేసు దర్యాప్తు చేస్తున్నట్లు ఎస్ఐ తెలిపారు.