పెద్దపల్లి : పెద్దపల్లి(Peddapalli) జిల్లాలో విషాదం చోటు చేసుకుంది. పాలకుర్తి మండలం ఈశాల తక్కల్లపల్లి గ్రామానికి చెందిన ముగ్గురు యువకులకు బుధవారం రాత్రి 11గం ప్రాంతంలో జరిగిన రోడ్డు ప్రమాదంలో (Road accident) ఒకరు మృతి చెందగా మరో ఇద్దరు యువకులు తీవ్రంగా గాయపడ్డారు. వివరాలలోకి వెళ్తే.. వివరాల్లోకి వెళ్తే.. ఈశాల తక్కళ్లపల్లి గ్రామానికి చెందిన ముగ్గురు యువకులు దాడి శివ, కొండ వికాస్, పొన్నం సాయి కిరణ్ గోదావరిఖని నుంచి ఈశాల తక్కళ్లపల్లి గ్రామానికి వారి బైక్ పైన వస్తున్నారు.
ఈ క్రమంలో ఐ.ఓ.సి పెట్రోల్ పంపు యూ టర్న్ వద్ద ఆగి ఉన్న లారీని ఢీ కొట్టడంతో దాడి శివ(18) అక్కడికక్కడే మృతి చెందగా మరో ఇద్దరు యువకులు తీవ్రంగా గాయపడ్డారు. వీరిని వెంటనే 108లో గోదావరిఖని ప్రభుత్వ దవాఖానకు తరలించి చికిత్స అందిస్తున్నారు. సమాచారం అందుకున్న పోలీసులు సంఘటన స్థలానికి చేరుకొని కేసు నమోదు చేసి దర్యాప్తు చేపట్టార. శివ మృతి గ్రామంలో విషాద ఛాయలు అలుముకున్నాయి.