బెంగళూరులో ముగ్గురు మృతి
మృతులంతా సూర్యాపేట వాసులే
సూర్యాపేట సిటీ, మే 29: విహార యాత్రకు వెళ్లిన సూర్యాపేటకు చెందిన ముగ్గురు యువకులు బెంగళూర్లోని వాటర్ ఫాల్స్ వద్ద జరిగిన ప్రమాదంలో మృతిచెందారు. సూర్యాపేటకు చెందిన కే శ్యామ్(29) బెంగళూరులో సాఫ్ట్వేర్ ఇంజినీర్గా పనిచేస్తున్నాడు.
శ్యామ్ అక్క కొడుకు సాయి, మరో బంధువు శ్రీహర్ష ఇటీవల ఇంటర్ పరీక్షలు రాయగా.. సరదాగా గడిపేందుకు బెంగళూరులోని శ్యామ్ వద్దకు వెళ్లారు. ఈ ముగ్గురు కలిసి ఆదివారం బెంగళూరులోని కూర్గ్ వాటర్ ఫాల్స్ కు వెళ్లగా తొలుత ఓ యువకుడు గల్లంతయ్యాడు. అతడిని కాపాడే ప్రయత్నంలో మరో ఇద్దరు మునిగి మృతి చెందినట్టు తెలిసింది.