మెదక్ అర్బన్, జూన్ 18: మెదక్ పట్టణంలో ఇరువర్గాల మధ్య చోటుచేసుకున్న గొడవ అదుపులోకి వచ్చిందని, ఇందుకు కారణమైన 27 మందిని అరెస్ట్ చేసి రిమాండ్కి తరలించినట్టు ఎస్పీ డాక్టర్ బాలస్వామి మంగళవారం తెలిపారు. ఇతర జిల్లాల నుంచి పోలీస్ బలగాలను తెప్పించి పరిస్థితి అదుపులోకి తెచ్చినట్టు ఆయన పేర్కొన్నారు.
సోషల్మీడియాలో వచ్చే వదంతులను ప్రజలు నమ్మవద్దని సూచించారు. ఎవరైనా ఉద్దేశపూర్వకంగా సోషల్ మీడియాలో రెచ్చగొట్టే పోస్టులు పెడితే కఠిన చర్యలు తప్పవని హెచ్చరించారు. మెదక్ గొడవలపై సమగ్ర విచారణ జరుగుతున్నదని, కారకులను విడిచి పెట్టేది లేదని ఎస్పీ తెలిపారు.