దివంగత ఎస్సై శ్రీరాముల శ్రీనివాస్ కుటుంబానికి సివిల్ టీఎస్, ఏపీ ఎస్సైస్ వెల్ఫేర్ సొసైటీ చేయూతనిచ్చింది. భద్రాద్రి కొత్తగూడెం జిల్లా అశ్వారావుపేటలో ఎస్సైగా పనిచేస్తున్న శ్రీనివాస్ ఇటీవల ఆత్మహత్యాయత్నానికి పాల్పడి చికిత్స పొందుతూ ఈ నెల 7న మృతి చెందిన విషయం తెల్సిందే. ఎస్సైల బృందం ఆదివారం వరంగల్ జిల్లా నల్లబెల్లి మండలం నారక్కపేటకు చేరుకొని శ్రీనివాస్ చిత్రపటం వద్ద నివాళులర్పించారు. కుటుంబ సభ్యులను పరామర్శించారు. అనంతరం వెల్ఫేర్ సొసైటీ అధ్యక్షుడు ఎస్సై శ్రీధర్ ఆధ్వర్యంలో శ్రీనివాస్ భార్య కృష్ణవేణికి రూ.25 లక్షల ఆర్థికసాయం అందజేశారు.