హైదరాబాద్, ఏప్రిల్ 22 (నమస్తేతెలంగాణ): వేసవిలో ప్రయాణికుల రద్దీ నేపథ్యంలో విశాఖపట్నం-బెంగళూరు మధ్య 20 ప్రత్యేక రైళ్లను నడపనున్నట్లు దక్షిణ మధ్య రైల్వే ప్రకటించింది. ఈ నెల 27 నుంచి జూన్ 30 వరకు శని, ఆదివారాల్లో ఈ రైళ్ల సర్వీసులను అందించనున్నాయి. విశాఖపట్నం-బెంగళూరు (08549) రైలు శనివారం మధ్యాహ్నం 1.15 గంటలకు విశాఖలో బయల్దేరి మరుసటి రోజు ఉదయం 7.30 గంటలకు బెంగళూరు చేరుకోనుంది.
బెంగళూరు -విశాఖ (08550) రైలు బెంగళూరులో ఆదివారం ఉదయం 8.50కి బయలు దేరి మరుసటి రోజు తెల్లవారుజామున 3.10 గంటలకు విశాఖపట్నం చేరుకుంటుంది. ఈ ప్రత్యేక రైళ్లలో సెకండ్ ఏసీ, థర్డ్ ఏసీ, స్లీపర్, జనరల్ సెకండ్ క్లాస్ బోగీలు ఉన్నట్లు అధికారులు వెల్లడించారు.