కామారెడ్డి: కామారెడ్డి జిల్లా (Kamareddy) క్యాసంపల్లిలో ఘోర రోడ్డు ప్రమాదం జరిగింది. క్యాసంపల్లి సమీపంలో 44వ జాతీయ రహదారిపై వేగంగా దూసుకొచ్చిన ప్రైవేటు బస్సు అదుపుతప్పి లారీని వెనుక నుంచి ఢీకొట్టింది. దీంతో ఓ వ్యక్తి మృతిచెందగా, 20 మంది గాయపడ్డారు. ప్రమాదం ధాటికి బస్సు ముందుభాగం నుజ్జునుజ్జు అయింది. సమాచారం అందుకున్న పోలీసులు ఘటనా స్థలానికి చేరుకున్నారు.
క్షతగాత్రులను కామారెడ్డి ఏరియా హాస్పిటల్కు తరలించారు. బస్సు ఆదిలాబాద్ నుంచి హైదరాబాద్కు వెళ్తుండగా ప్రమాదం జరిగిందని తెలిపారు. మృతుడిని గుర్తించాల్సి ఉన్నదని చెప్పారు. ఈ ఘటనపై కేసు నమోదుచేసి దర్యాప్తు చేస్తున్నామన్నారు.
ప్రభాస్ తల్లిగా మృణాళ్ ఠాకూర్
సీతారామం, హాయ్ నాన్న విజయాలతో తెలుగు ప్రేక్షకులకు మరింత చేరువైంది మృణాళ్ ఠాకూర్. ప్రస్తుతం ఈ అందాలభామ ‘పూజా మేరీ జాన్’ అనే బాలీవుడ్ సినిమా మాత్రమే చేస్తున్నది. ఇంకొన్ని సినిమాలు చర్చల దశలో ఉన్నాయి. తెలుగులో మాత్రం ఏ సినిమాకీ ఓకే చెప్పలేదు. అయితే.. ప్రభాస్ ‘కల్కి 2898ఏడి’లో మృణాల్ ఓ ప్రత్యేకమైన పాత్ర పోషించినట్టు తాజా సమాచారం.
ఇందులో భైరవగా ప్రభాస్ నటించిన విషయం తెలిసిందే. భైరవ తల్లి పాత్రను ఇందులో మృణాళ్ పోషించిందట. భైరవ చిన్నప్పటి సన్నివేశాల్లో మృణాళ్ పాత్ర కనిపిస్తుందని తెలుస్తున్నది. హీరోయిన్గా పీక్స్లో ఉండి కూడా ఇలా ప్రభాస్కి తల్లిగా నటించడం నిజంగా గ్రేట్ అని పలువురు అభిప్రాయపడుతున్నారు. అయితే.. ఈ విషయాన్ని ‘కల్కి’ టీమ్ అధికారికంగా ప్రకటించలేదు. ప్రచార చిత్రాల్లో కూడా ఎక్కడా మృణాళ్ జాడ లేదు. అయితే.. సినిమాలో మాత్రం ఆమె పాత్ర చాలా కీలకంగా ఉంటుందని ఇన్సైడ్ టాక్. ఇందులో నిజం ఎంతో తెలియాలంటే.. ఇంకొన్ని రోజులు ఆగాల్సిందే.