Stray Dogs | హైదరాబాద్, జూలై 17 (నమస్తే తెలంగాణ) : ఒకప్పుడు వీధి కుక్కలంటే ఆ వాడకు రక్షణగా ఉండేవి. ఎవరైనా అపరిచితులు వచ్చినా, రాత్రిపూట ఆగంతకులు చొరబడినా పసిగట్టి మొరుగుతూ ప్రజలను అప్రమత్తం చేసేవి. కానీ, ఇప్పుడు అవే కుక్కలు ప్రజలు, ముఖ్యంగా పసిపిల్లల పాలిట మృత్యుమృగాలుగా మారాయి. ఒంటరిగా దొరికినా, బంధువుల రక్షణలో ఉన్నా వెంటపడి మరీ దాడి చేసి ఒక్కోసారి ప్రాణాలు తీస్తున్నాయి. రాష్ట్రమంతటా ఏదోఒకచోట కుక్కకాటు కేసులు నమోదవుతూనే ఉన్నాయి. ఇటీవల ఆరేండ్ల బాలుడిని వీధి కుక్కలు దాడిచేసి చంపేసిన ఘటన జాతీయ పత్రికల్లో పతాక శీర్షికగా నిలిచింది. ఆ కేసును రాష్ట్ర హైకోర్టు సుమోటోగా స్వీకరించి విచారణ చేస్తున్నది.
ఏడు నెలల్లోనే 15 మంది దుర్మరణం
డిసెంబర్ 12 నుంచి ఈ నెల 2వరకు 206 రోజుల్లో 239 కుక్కకాటు ఘటనలు చోటుచేసుకున్నాయి. ఒక్కోచోట 10 నుంచి 15మంది వరకు గాయపడ్డారు. ఈ ఏడు నెలల్లోనే కుక్కల దాడిలో 15 మంది చనిపోయారు. వీరిలో కొందరు రేబిస్తో మరణించారు. గుంపులుగా తిరిగే కుక్కలు మూగజీవాలపైనా దాడి చేస్తున్నాయి. గొర్రెలు, పశువులపై విరుచుకుపడుతున్నాయి.
కుక్కకాటుతో వచ్చే వ్యాధులు
రేబిస్, మెదడువాపు, బ్రూసెల్లోసిస్, క్షయ, సాల్మ్నెల్లోసిస్, లెప్టోస్పైరిన్, ప్లేగు, బర్డ్ప్లూ, అంత్రాక్స్ , దవడ, గొంతు పక్షవాతం , నీటిని చూసినా, నీటి శబ్దం విన్నా భయం
15మంది మృతుల వివరాలు
2023, డిసెంబర్ 15 : గోల్కొండ విభానగర్లో గుడిసెలో ఉన్న 5 నెలల శరత్పై కుక్కలు దాడి చేశా యి. మెడ, తల, ముఖంపై తీవ్రగాయాలు కావడం తో దవాఖానల్లో చికిత్సపొందుతూ చనిపోయాడు.
2024, జనవరి 9: నిజామాబాద్ జిల్లా మాక్లూర్ మండలం కల్లేడికి చెందిన ఐదేండ్ల హర్షవర్షన్పై మేకల కాపరుల కుక్కలు దాడిచేయగా చికిత్స పొందుతూ చనిపోయాడు.
జనవరి 29: మహబూబాబాద్ జిల్లా మరిపెడ మండలం ఎడ్జెర్లలో ఓ వ్యక్తిపై కుక్కలు మూకుమ్మడిగా దాడిచేయడంతో దవాఖానలో చికిత్స పొందు తూ మృతిచెందాడు.
ఫిబ్రవరి 2 : శంషాబాద్ రాజీవ్గృహ కల్ప సామ ఎన్క్లేవ్ సమీపంలో కుటుంబసభ్యులతో కలిసి నిద్రిస్తున్న ఏడాది వయస్సున్న నాగరాజును కుక్కులు నోటకరుచుకొని బయటకు లాక్కొచ్చి చంపేశాయి.
ఫిబ్రవరి 8 : కామారెడ్డి జిల్లా మాచారెడ్డి మండలం లచ్చాపేటలో ఆరుగుపై కూర్చున్న రామవ్వ(60)పై కుక్కల గుంపు దాడిచేయడంతో చనిపోయింది.
మార్చి 23 : ఆదిలాబాద్ జిల్లా పెంబి మండలం తాటిగూడకు చెందిన నాలుగేండ్ల శాన్విక.. పిచ్చి కుక్కలు దాడితో చికిత్స పొందుతూ మృతిచెందింది.
మార్చి 31 : నిజామాబాద్ జిల్లా నందిపేటకు చెం దిన బొడ్డు మహేశ్ (34) లక్కంపల్లి శివారు సెజ్ లో వాచ్మెన్. గేటు వద్ద నిద్రిస్తున్న ఆయన కుక్క ల దాడితో చికిత్స పొందుతూ చనిపోయాడు.
ఏప్రిల్ 2 : రాజన్నసిరిసిల్ల జిల్లా కోనరావుపేట మండలం ధర్మారానికి చెందిన అరుణ్ (28)పై కుక్కలు దాడిచేయగా రేబిస్ సోకి మృతిచెందాడు.
ఏప్రిల్ 13 : నల్లగొండ జిల్లా పెద్దవూర మండలం బసిరెడ్డిపల్లికి చెందిన తుడుం నరేందర్(30)పై కుక్కలు దాడి చేయగా సరైన చికిత్స చేయించుకోక ఐదు నెలల తర్వాత చనిపోయాడు.
ఏప్రిల్ 14 : హైదరాబాద్లోని పేట్బషీర్బాద్ పోలీస్స్టేషన్ పరిధిలో ఛత్తీస్గఢ్కు చెందిన ఐదేండ్ల దీపాలి ఆడుకుంటుండగా కుక్కలు దాడిచేశాయి. చికిత్స పొందుతూ చనిపోయింది.
మే 15 : వికారాబాద్ జిల్లా తాండూరులో ఐదు నెలల బాలుడిపై ఇంట్లోకి చొరబడి కుక్క దాడిచేసి చంపేసింది.
జూన్ 6 : హైదరాబాద్లోని మియాపూర్లో ఆరేండ్ల సాత్విక్ను కుక్కల మంద దాడిచేసి చంపేసింది.
జూన్ 9 : జనగామ జిల్లా చిల్పూరు మండలం ఫత్తేపూర్ శివారు లూనవాత్తండాలో ఆరేండ్ల గుగులోత్ అభిరామ్ను కుక్కలు పొలాల్లోకి లాక్కెళ్లి చంపేశాయి.
జూన్ 18 : మహబూబాబాద్ జిల్లా తొర్రూరు మండలం మడిపల్లిలో 45రోజుల అయాన్స్ను కు క్క నోటకర్చుకుని వెళ్లింది. బాలుడు చికిత్స పొందుతూ మరుసటి రోజే చనిపోయాడు.
జూన్ 29 : సంగారెడ్డి జిల్లా పటాన్చెరు మండ లం ఇస్నాపూర్లో బీహార్కు చెందిన విశాల్ (6)పై వీధి కుక్కలు దాడిచేసి తలకొరికి చంపేశాయి.
మరికొన్ని ఘటనలు
పూర్తి వివరాలు ఇవ్వండి: హైకోర్టు
చిన్నారులపై కుక్కల దాడుల ఘటనలపై రాష్ట్ర హైకోర్టు తీవ్రంగా స్పందించింది. జూన్ 29న విశాల్ (6)ను కుక్కలు దాడిచేసి చంపిన కేసును సుమోటోగా స్వీకరించింది. గతంలో అంబర్పేటలోని ఎరుకల బస్తీలో వీధి కుక్కలు స్కూల్కు వెళ్లే చిన్నారులపై దాడిచేయగా ఓ బాలుడు చనిపోవడం, అంతకుముందు జరిగిన దాడులకు ఈ కేసు ను జతచేసింది. ఇలాంటి ఘటనల్లో బాధితులపై కనికరం చూపాలని, కేవలం పరిహారం చెల్లిస్తే సరిపోదని, కుక్కల దాడులు పునరావృతం కాకుండా రాష్ట్రప్రభుత్వం సమర్థవంతమైన విధానాలను రూపొందించాలని చీఫ్ జస్టిస్ అలోక్ అరాధే నేతృత్వంలోని బెంచ్ ఆదేశించింది. రాష్ట్ర సీఎస్, ఆరోగ్య కార్యదర్శి ఈ ఘటనపై పూర్తి వివరాలు సమర్పించాలని ఆదేశాలు జారీచేసి విచారణను ఈ నెల 10కి వాయిదా వేసింది.
కుక్కకాటు కేసులు
2022 19,847,2023 26,349