ముంబై : పుణేలో ఇటీవల ఓ మైనర్ బాలుడు కారుతో బైక్ను ఢీకొట్టడంతో ఇద్దరు మరణించడంపై జనాగ్రహం పెల్లుబికింది. ఈ ఆగ్రహావేశాలు చల్లారక ముందే మరో దారుణం జరిగింది. పోలీసులు తెలిపిన వివరాల ప్రకారం, ముంబైలోని మజ్గావ్ ప్రాంతంలో 15 ఏళ్ల మైనర్ బాలుడు గురువారం ఉదయం బైక్ను నడిపి, ఇర్ఫాన్ నవాబ్ అలీ షేక్ (32)ను ఢీకొట్టాడు. తీవ్రంగా గాయపడిన ఇర్ఫాన్ను దవాఖానకు తరలించినప్పటికీ ఫలితం లేకపోయింది. నిందితుడిని డోంగ్రి చిల్డ్రన్స్ హోంకు తరలించి, అతని తండ్రిని అరెస్ట్ చేశారు.