Sangareddy | సంగారెడ్డి : జిల్లాలోని ఆందోల్ మండలం రాంసాన్పల్లి వద్ద ఓ ఆటో బోల్తా పడింది. ఈ ప్రమాదంలో 15 మందికి తీవ్ర గాయాలయ్యాయి. క్షతగాత్రుల్లో ముగ్గురి పరిస్థితి విషమంగా ఉంది.
సమాచారం అందుకున్న పోలీసులు ఘటనాస్థలానికి చేరుకుని, క్షతగాత్రులను చికిత్స నిమిత్తం సంగారెడ్డి ప్రభుత్వ ఆస్పత్రికి తరలించారు. బాధితులను పాపన్నపేట మండలం గాంధార్పల్లి వాసులుగా పోలీసులు గుర్తించారు. ఆటో అతివేగమే కారణమని పోలీసులు పేర్కొన్నారు.