హైదరాబాద్ : పేకాట శిబిరాలపై(Poker camp )పోలీసులు ఉక్కుపాదం మోపుతున్నారు. తాజాగా బంజారా హిల్స్ రోడ్ నెం 4 లోని రాడిసన్ స్టార్ హోటల్(Radisson Hotel)లో భారీ ఎత్తున నిర్వహిస్తున్న పేకాట శిబిరంపై పోలీసులు దాడి చేశారు. ఆన్లైన్లో బుక్ చేసుకొని ఆఫ్లైన్లో ఆడుతున్న 13 మందిని పోలీసులు అరెస్ట్ చేశారు. పేకాట రాయుళ్ల వద్ద నుంచి రూ. 32లక్షల విలువైన కూపన్లు, నగదు స్వాధీనం చేసుకున్నారు. అరెస్ట్ అయిన వారిలో కొందరు మహిళలు ఉన్నట్లు సమాచారం. బంజారాహిల్స్ పోలీసులు కేసు నమోదు చేసి దర్యాప్తు చేపట్టారు.