అగ్ర కథానాయకుడు పవన్కల్యాణ్ సినిమాల మధ్య ఏమాత్రం విరామం తీసుకోవడం లేదు. ఆయన నటిస్తున్న ‘బ్రో’ ‘ఓజీ’ ‘ఉస్తాద్ భగత్సింగ్’ సినిమాల షూటింగ్స్ శరవేగంగా జరుగుతున్నాయి. సాధ్యమైనంత తొందరలో ఈ సినిమాలను ప్రేక్షకుల ముందుకు తీసుకొచ్చే ప్రయత్నంలో ఉన్నారు పవన్కల్యాణ్. ఆయన సుజీత్ దర్శకత్వంలో నటిస్తున్న ‘ఓజీ’ (‘ఒరిజినల్ గ్యాంగ్స్టర్’ వర్కింగ్ టైటిల్) సినిమా గురించి నిర్మాణ సంస్థ ఓ ఆసక్తికరమైన అప్డేట్ను వెల్లడించింది. ఈ చిత్రానికి సంబంధించిన మూడో షెడ్యూల్ ముగిసిందని, దీంతో యాభైశాతం చిత్రీకరణ పూర్తయినట్లేనని నిర్మాతలు తెలిపారు. తదుపరి షెడ్యూల్ను వచ్చే నెలలో ప్రారంభిస్తామని పేర్కొన్నారు. ఆగస్ట్ నెలలో షూటింగ్ మొత్తం పూర్తవుతుందని చెబుతున్నారు. గ్యాంగ్స్టర్ డ్రామాగా ఈ చిత్రాన్ని తెరకెక్కిస్తున్నారు. ప్రియాంక అరుళ్ మోహన్, ఇమ్రాన్హష్మీ, ప్రకాష్రాజ్, అర్జున్దాస్, శ్రియారెడ్డి తదితరులు నటిస్తున్న ఈ చిత్రానికి కెమెరా: రవి కె చంద్రన్, సంగీతం: తమన్, నిర్మాణ సంస్థ: డీవీవీ ఎంటర్టైన్మెంట్స్, నిర్మాత: డీవీవీ దానయ్య.