సూర్యాపేట : జిల్లాలోని నాగరంలో గోడ కూలి ముగ్గురు మృతి చెందిన ఘటన పై రాష్ట్ర విద్యుత్ శాఖామంత్రి గుంటకండ్ల జగదీష్ రెడ్డి (Minister Jagdish Reddy) దిగ్బ్రాంతి వ్యక్తం చేశారు. విషయం తెలిసిన వెంటనే తుంగతుర్తి శాసనసభ్యులు గాధరి కిశోర్ కుమార్ తో కలసి హుటాహుటినా సూర్యాపేట జిల్లా కేంద్రంలో ప్రభుత్వ ఆసుపత్రికి చేరుకుని మృతుల పార్థివ దేహాల వద్ద నివాళులు అర్పించారు.
వర్షాల (Rains)కారణంగా గోడ కూలి (Wall Colapse) మృతి చెందిన ముగ్గురు కుటుంబ సభ్యులకు ఒక్కొక్కరికి నాలుగు లక్షల చొప్పున నష్ట పరిహారం (Compensation )ప్రకటించారు. అంతే గాకుండా తక్షణ సాయంగా ఒక్కొక్కరికి 25 వేలు చొప్పున మంత్రి స్వయంగా అంద జేశారు.
వారి పిల్లలకు గురుకుల పాఠశాలలో విద్యావకాశం కల్పించడంతో పాటు వారికి పక్కా ఇళ్లు మంజూరు చేస్తున్నట్లు ప్రకటించారు. మృతుల కుటుంబాలకు అండగా ఉంటామని భరోసా ఇచ్చారు. మంత్రి వెంట కలెక్టర్ వెంకట్రావు, ఎస్పీ రాజేంద్రప్రసాద్ తదితరులు పాల్గొన్నారు.