IND vs ZIM : సొంతగడ్డపై పొట్టి సిరీస్ కోల్పోయిన జింబాబ్వే నామమాత్రమైన ఐదో టీ20లో పరువు కోసం పోరాడనుంది. టాస్ గెలిచిన కెప్టెన్ సికిందర్ రజా (Sikinder Raza) టీమిండియాకు బ్యాటింగ్ అప్పగించాడు. ఈ మ్యాచ్లో భారత్ రెండు మార్పులతో బరిలోకి దిగుతోంది.
రుతురాజ్ గైక్వాడ్ స్థానంలో రియాన్ పరాగ్, పేసర్ ఖలీల్ అహ్మద్ బదులు ముకేశ్ కుమార్లు జట్టులోకి వచ్చారు. మరోవైపు ఆతిథ్య జట్టు సైతం ఒక మార్పు చేసింది. పేసర్ చరితకు విశ్రాంతినిచ్చి బ్రాండన్ మవుతాను తీసుకుంది.
భారత జట్టు : శుభ్మన్ గిల్(కెప్టెన్), యశస్వీ జైస్వాల్, అభిషేక్ శర్మ, సంజూ శాంసన్(వికెట్ కీపర్), రియాన్ పరాగ్, శివం దూబే, రింకూ సింగ్, వాషింగ్టన్ సుందర్, రవి బిష్ణోయ్, తుషార్ దేశ్పాండే, ముకేశ్ కుమార్.
జింబాబ్వే జట్టు : తడివనషె మరుమని, వెస్లీ మధెవెరె, బ్రియాన్ బెన్నెట్, డియాన్ యెర్స్, సికిందర్ రజా(కెప్టెన్), జొనాథన్ క్యాంప్బెల్, క్లైవ్ మడండె(వికెట్ కీపర్), ఫరాజ్ అక్రమ్, రిచర్డ్ గరవె, బ్లెస్లింగ్ ముజరబని, బ్రాండన్ మవుతా.