T10 League : అబూదాబీ వేదికగా జరుగుతున్న ప్రతిష్ఠాత్మక టీ10 లీగ్(T10 League)లో వెస్టిండీస్ స్పిన్నర్ అకీల్ హొసేన్(Akeal Hosein) హ్యాట్రిక్ సాధించాడు. న్యూయార్క్ స్ట్రైకర్స్(Newyork Strikers)కు ఆడుతున్న అకీల్ హొసేన్ ఇన్నింగ్స్ తొలి ఓవర్లోనే హ్యాట్రిక్(Hat-trick) తీసి ఔరా అనిపించాడు.
క్వాలిఫయర్ 1లో భాగంగా మొరిస్విల్లే సాంప్ ఆర్మీ(Morrisville Samp Army) జట్టుతో జరిగిన మ్యాచ్లో అకీల్ వరుస బంతుల్లో ఆండ్రీస్ గౌస్, డెవాల్డ్ బ్రెవిస్, ఇబ్రహీం జర్దాన్లను ఔట్ చేశాడు. అంతేకాదు 5 పరుగులకే ఆరు వికెట్లు పడగొట్టి కెరీర్లోనే అత్యుత్తమ గణాంకాలు నమోదు చేశాడు.
అకీల్ హొసేన్ హ్యాట్రిక్ వీడియో
స్టేడియంలో జరిగిన మ్యాచ్లో మొదట బ్యాటింగ్ చేసిన న్యూయార్క్ స్ట్రైకర్స్ 5 వికెట్ల నష్టానికి 125 రన్స్ కొట్టింది. ఓపెనర్ రహ్మనుల్లా గుర్బాజ్(56) అర్ధ సెంచరీతో కదం తొక్కి జట్టుకు భారీ స్కోర్ అందించాడు. భారీ ఛేదనలో మొరిస్విల్లే జట్టును అకీల్ తొలి ఓవర్లోనే కోలుకోలేని దెబ్బకొట్టాడు. వరుసగా మూడు, నాలుగు, ఐదు బంతుల్లో వికెట్లు తీసి హ్యాట్రిక్ ఖాతాలో వేసుకున్నాడు. ఆ తర్వాత మరో మూడు వికెట్లు పడగొట్టి మ్యాచ్ను న్యూయార్క్ స్ట్రైకర్స్ వైపు తిప్పాడు. దాంతో, న్యూయార్క్ స్ట్రైకర్స్ ఈ మ్యాచ్లో 41 పరుగుల తేడాతో గెలుపొంది.. దక్కన్ గ్లాడియేటర్స్తో టైటిల్ పోరుకు సిద్ధమైంది.