కొలంబో: లైంగిక హింస వివాదంలో చిక్కుకున్న శ్రీలంక క్రికెటర్ దనుష్క గుణతిలక వివాదంపై ముగ్గురు సభ్యుల కమిటీని ఏర్పాటు చేస్తున్నట్టు శ్రీలంక క్రికెట్ బోర్డు వెల్లడించింది. రిటైర్డ్ హైకోర్టు జడ్జి సిసిర రత్నాయకె, అటార్నీ నిరోషన పెరీర, అటార్నీ అసీల రెకావ సభ్యులుగా ఉన్న కమిటీ ఈ వివాదంపై విచారణ జరుపుతుందని వెల్లడించింది. విచారణ అనంతరం దోషులుగా తేలిన వారిపై కఠిన చర్యలు తీసుకుంటామని లంక బోర్డు తెలిపింది.