Under-19 World Cup | బెనోనీ: అండర్-19 ప్రపంచకప్లో వరుస విజయాలతో జోరు మీదున్న యువ భారత జట్టు.. మంగళవారం ఆతిథ్య దక్షిణాఫ్రికాతో అమీతుమీ తేల్చుకోనుంది. లీగ్ దశలో పరాజయం ఎరగకుండా సూపర్ సిక్స్కు చేరిన యంగ్ ఇండియా.. అందులోనూ ఆడిన రెండు మ్యాచ్ల్లో గెలిచి సెమీఫైనల్లో అడుగుపెట్టింది.
డిఫెండింగ్ చాంపియన్గా ఈ టోర్నీలో అడుగుపెట్టిన యువభారత్.. అందుకు తగ్గట్లే ఆల్రౌండ్ ప్రదర్శనతో అదరగొడుతున్నది. బ్యాటింగ్లో కెప్టెన్ ఉదయ్, అర్షిన్, ముషీర్, సచిన్ దాస్ ఫుల్ ఫామ్లో ఉండగా.. బౌలింగ్లో సామీ కుమార్, రాజ్ లింబానీ, నమన్ తివారీ, మురుగన్ అశ్విన్ సత్తాచాటుతున్నారు. మరో సెమీస్లో ఆస్ట్రేలియా, పాకిస్థాన్ తలపడనున్నాయి.