Davis Cup | ఇస్లామాబాద్: ఆరు దశాబ్దాల తర్వాత పాకిస్థాన్ గడ్డపై అడుగుపెట్టిన భారత డేవిస్ కప్ జట్టు.. అద్వితీయ ప్రదర్శనతో వరల్డ్ గ్రూప్-1లో స్థానం దక్కించుకుంది. రెండు రోజుల పాటు సాగిన డేవిస్ కప్ ‘టై’లో భారత్ 4-0తో దాయాది పాకిస్థాన్ను చిత్తుచేసింది.
ఆదివారం జరిగిన రెండు మ్యాచ్ల్లోనూ మనవాళ్లు జయకేతనం ఎగరవేశారు. సాకేత్ మైనేని-యూకీ బాంబ్రీ జంట 6-2, 7-5 (7/5)తో ముజమ్మిల్-అఖీల్ ద్వయంపై గెలుపొందగా.. పురుషుల సింగిల్స్ మ్యాచ్లో నిక్కీ పునాచ 6-3, 6-4తో షోయబ్పై గెలుపొందాడు.