జెర్ముక్: తెలంగాణ యువ చెస్ ఆటగాడు అర్జున్ ఇరిగేసి ఖాతాలో మరో ప్రతిష్టాత్మక టైటిల్ చేరింది. అర్మేనియాలోని జెర్ముక్ వేదికగా జరిగిన స్టెపన్ అవగ్యన్ మెమోరియల్ చెస్ టోర్నమెంట్లో అర్జున్ విజేతగా నిలిచాడు. మంగళవారం ముగిసిన 9వ రౌండ్లో నల్లపావులతో బరిలోకి దిగిన అర్జున్.. అర్మేనియాకే చెందిన పెట్రొస్యన్తో గేమ్ను 43 ఎత్తుల్లో డ్రా చేసుకుని 6.5 పాయింట్లతో టైటిల్ నెగ్గాడు.
ఈ టోర్నీలో 9 గేమ్స్ ఆడిన అర్జున్.. నాలుగింటిలో గెలిచి ఐదు గేమ్లను డ్రా చేసుకున్నాడు. పెట్రొస్యన్తో మ్యాచ్ కంటే ముందే రష్యా ఆటగాడు వోలోడర్ ముర్జిన్ను ఓడించి మరో రెండు రౌండ్లు ఉండగానే టైటిల్ ఖాయం చేసుకున్నాడు. తాజా విజయంతో ప్రపంచ చెస్ లైవ్ ర్యాంకింగ్స్లో 2,778 పాయింట్లతో నాలుగో స్థానానికి దూసుకెళ్లాడు. కార్ల్సన్, నకముర, ఫాబియానో తొలి మూడు స్థానాల్లో ఉన్నారు.