కాబూల్: మహిళా స్వేచ్ఛ, సమానత్వంపై ప్రపంచవ్యాప్తంగా విమర్శలనెదుర్కుంటున్నా అఫ్గానిస్థాన్ను ఏలుతున్న తాలిబన్లు మాత్రం తాము అనుసరిస్తున్న విధానాలపై వెనక్కి తగ్గేది లేదని మరోసారి స్పష్టం చేశారు. త్వరలో మొదలుకాబోయే పారిస్ ఒలింపిక్స్లో తమ దేశం నుంచి పోటీపడుతున్న వారిలో పురుష క్రీడాకారులనే గుర్తిస్తామని, మహిళా అథ్లెట్లను గుర్తించబోమని ఆ దేశ స్పోర్ట్స్ డైరక్టరేట్ ప్రతినిధి అటల్ మశ్వానీ తెలిపాడు.
‘అఫ్గానిస్థాన్ నుంచి ముగ్గురు అథ్లెట్లు (పురుషులు) మాత్రమే ఒలింపిక్స్ బరిలో నిలిచారు. ప్రస్తుతం మా దేశంలో మహిళల క్రీడలను ఆపేశాం’ అని ప్రశ్నించాడు.