ముంబై: 2024-25 సీజన్కు గాను భారత క్రికెట్ జట్టు స్వదేశంలో ఆడే మ్యాచ్ల షెడ్యూల్ వివరాలను భారత క్రికెట్ నియంత్రణ మండలి (బీసీసీఐ) గురువారం వెల్లడించింది. పొట్టి ప్రపంచకప్ ముగిసిన తర్వాత జూలైలో జింబాబ్వే పర్యటనకు వెళ్లనున్న భారత్.. సెప్టెంబర్ 19-అక్టోబర్ 23 మధ్య స్వదేశంలో బంగ్లాదేశ్తో రెండు టెస్టులు, మూడు టీ20లు ఆడనుంది. టీ20 సిరీస్లో భాగంగా అక్టోబర్ 12న జరుగబోయే మూడో మ్యాచ్కు హైదరాబాద్లోని ఉప్పల్ స్టేడియం ఆతిథ్యమివ్వనుంది. అక్టోబర్ 16-నవంబర్ 05 మధ్య న్యూజిలాండ్ జట్టు.. భారత్లో పర్యటించనుంది.