INDW vs SAW : సొంతగడ్డపై జరుగుతున్న టెస్టులో స్పిన్నర్ స్నేహ్ రానా(8/77) దక్షిణాఫ్రికా బ్యాటర్లను బెంబేలెత్తించింది. కెరీర్లోనూ సంచలన బౌలింగ్తో పర్యాటక జట్టును కుప్పకూల్చింది. రానా విజృంభణతో సఫారీ జట్టు తొలి ఇన్నింగ్స్లో 266 పరుగులకే ఆలౌటయ్యింది. అనంతరం ఫాలో అన్ (Follow On) ఆడిన సఫారీలకు ఆదిలోనే షాక్ తగిలింది. అయితే.. సునే లస్(109) సెంచరీతో కదం తొక్కగా.. లారా వొల్వార్డ్త్(93) కెప్టెన్ ఇన్నింగ్స్ ఆడింది. దాంతో, మూడో రోజు ఆట ముగిసే సరికి దక్షిణాఫ్రికా 2 వికెట్ల నష్టానికి 232 రన్స్ కొట్టింది. ఇంకా 105 పరుగులు వెనకబడి ఉంది.
రెండో రోజు బ్యాటర్లు కొండంత స్కోర్ అందించగా బౌలర్లు తమ ప్రతాపం చూపించారు. స్పిన్నర్ స్నేహ్ రానా(8/77) కెరీర్ బెస్ట్ స్పెల్తో దక్షిణాఫ్రికా నడ్డి విరిచింది. దాంతో, ఫాల్ ఆన్ ఆడిన సఫారీలు రెండో ఇన్నింగ్స్లో పట్టుదల కనబరిచారు. తొలి ఇన్నింగ్స్లో ఆర్ధ శతకంతో మెరిసిన సునే లస్(109) మరోసారి ఆపద్భాందవురాలైంది.
The third to take an eight-wicket innings haul in women’s Tests!
A fantastic performance from Sneh Rana as India take a huge first-innings lead and enforce the follow-on 👏 https://t.co/hcTcvTUeJj #INDvSA pic.twitter.com/5DABZ4ylDw
— ESPNcricinfo (@ESPNcricinfo) June 30, 2024
టీమిండియా బౌలర్లను సమర్ధంగా ఎదుర్కొన్న సునే సెంచరీతో స్కోర్ బోర్డును పరుగులు పెట్టించింది. ఆమె అండగా కెప్టెన్ లారా వొల్వార్డ్త్(93 నాటౌట్) కీలక భాగస్వామ్యం నిర్మించింది. రెండో వికెట్కు 190 రన్స్ చేసిన ఈ జోడీని హర్మన్ప్రీత్ విడదీసింది. ఆ తర్వాత ఆల్రౌండర్ మరిజానే కాప్(15 నాటౌట్), లారాలు జాగ్రత్తగా ఆడారు. దీప్తి శర్మ రెండు క్యాచ్లు నేలపాలు చేయడంతో బతికి పోయిన ఈ ఇద్దరూ నాటౌట్గా నిలిచారు.
తొలి ఇన్నింగ్స్ను హర్మన్ప్రీత్ కౌర్ సేన 603 వద్ద డిక్లేర్ చేసిన విషయం తెలిసిందే. సఫారీలను ఉతికేసిన ఓపెనర్ షఫాలీ వర్మ (205) డబుల్ సెంచరీతో రికార్డులు బద్ధలు కొట్టేసింది. వన్డే సిరీస్లో రెండు సెంచరీలతో మెరిసిన స్మృతి మంధానా (149)లు సుదీర్ఘ ఫార్మాట్లోనూ సఫారీలను బాదేసింది.
షఫాలీ (205), మంధానా (149)
ఈ జోడీ 192 పరుగుల రికార్డు భాగస్వామ్యంతో బిత్తరపోయిన దక్షిణాఫ్రికా బౌలర్లను జెమీమా రోడ్రిగ్స్(55), హర్మన్ప్రీత్ కౌర్(69), రీచా ఘోష్(86)లు మరింత ఏడిపించేశారనుకో. క్రీజులో పాతుకుపోయిన ఈ ముగ్గురూ అర్ధ సెంచరీలతో జట్టుకు కొండంత స్కోర్ అందించారు.