న్యూయార్క్: టీ20 ప్రపంచకప్లో భారత్కు కల్పిస్తున్న సౌకర్యాలపై శ్రీలంక, సౌతాఫ్రికా, ఐర్లాండ్ గుర్రుగా ఉన్నాయి. న్యూయార్క్లోని నసావు స్టేడియానికి అత్యంత సమీపాన ఉన్న హోటల్లో సకల సౌకర్యాలు అనుభవిస్తున్న భారత జట్టుతో పోలిస్తే తాము తిప్పలు పడుతున్నామని ఆ జట్లు అంతర్జాతీయ క్రికెట్ మండలి (ఐసీసీ)కి ఫిర్యాదు చేసినట్టు సమాచారం. ఫ్లోరిడాలో వామప్ మ్యాచ్లు ఆడిన శ్రీలంక, ఐర్లాండ్.. న్యూయార్క్లో మ్యాచ్లు ఆడాల్సి వస్తే వేలాది కిలోమీటర్లు ప్రయాణించాల్సి వస్తుందని, తద్వారా ప్రయాణ బడలికలు, లాజిస్టికల్ సవాళ్లను ఎదుర్కుంటున్నామని వాపోతున్నాయి.
శ్రీలంక జట్టు గత శుక్రవారం ఫ్లోరిడా నుంచి న్యూయార్క్కు ప్రత్యేక విమానంలో రాత్రి 8 గంటలకు చేరాల్సి ఉండగా విమానం ఆలస్యమవడంతో మరుసటి రోజు ఉదయం 5 గంటల దాకా విమానాశ్రయంలోనే వేచి చూడాల్సి వచ్చింది. అంతేగాక లంకేయులు ఉంటున్న హోటల్ గది స్టేడియం నుంచి గంటన్నర సమయం పడుతుండటంతో వారి ప్రాక్టీస్ సెషన్స్కు తీవ్ర ఆటంకం కలుగుతోంది. దక్షిణాఫ్రికా, ఐర్లాండ్ సైతం ఇదే సమస్యలతో సతమతమవుతూ ఐసీసీకి కైంప్లెంట్ చేసినట్టు తెలుస్తోంది.