IND vs ZIM : సొంతగడ్డపై పొట్టి సిరీస్లో వెనకబడిన జింబాబ్వే కీలక పోరులో పోరాడగలిగే స్కోర్ చేసింది. గత రెండు మ్యాచుల్లో భారత బౌలర్ల ధాటికి చేతులెత్తేసిన బ్యాటర్లు పట్టుదలగా ఆడారు. తొలుత ఓపెనర్లు తడివనషె మరుమని(32), వెస్లీ మధెవెరె(25)లు శుభారంభమివ్వగా.. సికిందర్ రజా(49) కెప్టెన్ ఇన్నింగ్స్ ఆడాడు. దాంతో, ఆతిథ్య జట్టు నిర్ణీత ఓవర్లలో 7 వికెట్ల నష్టానికి 152 రన్స్ కొట్టింది. వరుస విజయాలతో జోరు మీదున్న టీమిండియా మోస్తరు లక్ష్యాన్ని ఊదేస్తే సిరీస్ కైవసం అయినట్టే.
టీమిండియా ధాటికి వరుసగా రెండు టీ20ల్లో ఓడిన జింబాబ్వేను బ్యాటర్లు ఆదుకున్నారు. హరారే స్పోర్ట్స్ క్లబ్లో జరిగిన నాలుగో మ్యాచ్లో ఓపెనర్లు తడివనషె మరుమని(32), వెస్లీ మధెవెరె(25)లు శుభారంభమిచ్చారు.
Sikandar Raza brings up 2000 T20I runs as Zimbabwe look to make the most of the platform set
👉https://t.co/kZ9Bgk5nPZ pic.twitter.com/JAOeZgIVyp
— ESPNcricinfo (@ESPNcricinfo) July 13, 2024
భారత పేసర్లను దీటుగా ఎదుర్కొన్న ఈ ఇద్దరూ తొలి వికెట్కు 63 రన్స్ జోడించి పునాది వేశారు. ఆ తర్వాత కెప్టెన్ సికిందర్ రజా(0) మిడిలార్డర్ అండగా ఇన్నింగ్స్ నిర్మించాడు. అయితే భారత బౌలర్లు వరస విరామాల్లో వికెట్లు తీస్తూ ఆతిథ్య జట్టును కట్టడి చేశారు. చివర్లో డియాన్ యెర్స్(13), కల్ఐవ్ మడండే(7)లు పోరాడడంతో జింబాబ్వే నిర్ణీత ఓవర్లలో 7 వికెట్ల నష్టానికి 152 రన్స్ కొట్టింది. భారత బౌలర్లలో ఖలీల్ అహ్మద్ రెండు వికెట్లు పడగొట్టాడు.