Charles Cassell : అంతర్జాతీయ క్రికెట్లో మరో రికార్డు బద్దలైంది. అరంగేట్రంలోనే యువ పేసర్ సంచలన ప్రదర్శనతో క్రికెట్ ప్రపంచాన్ని నివ్వెరపరిచాడు. స్కాట్లాండ్(Scotland)కు చెందిన స్పీడ్స్టర్ చార్లెస్ కస్సెల్(Charles Cassell) తొలి మ్యాచ్లోనే ఏడు వికెట్లతో అదరగొట్టాడు. దాంతో, మొదటి వన్డేలోనే అత్యుత్తమ గణాంకాలు నమోదు చేసిన తొలి బౌలర్గా చరిత్రకెక్కాడు.
చార్లెస్ వికెట్ల వేటకు దక్షిణాఫ్రికా ఏస్ పేసర్ కగిసో రబడ(Kagiso Rabada) రికార్డు తుడిచిపెట్టుకుపోయింది. 2015లో బంగ్లాదేశ్పై తొలి వన్డే ఆడిన రబడ 6/16తో మెరిశాడు. అంతకుముందు వెస్టిండీస్ పేసర్ ఫిడెల్ ఎడ్వర్డ్స్ (Fidel Edwards) జింబాబ్వేపై 6-22తో రాణించాడు.
Charlie Cassell has broken Kagiso Rabada’s record for the best bowling figures on ODI debut ⚡ https://t.co/JJTnDrcKzR #SCOvOMA pic.twitter.com/ABZWAcWmm1
— ESPNcricinfo (@ESPNcricinfo) July 22, 2024
ఐసీసీ క్రికెట్ వరల్డ్ కప్ లీగ్ టు 2023-27 సిరీస్లో ఒమన్తో స్కాట్లాండ్ తలపడింది. ఈ మ్యాచ్లో అరంగేట్రం చేసిన చార్లెస్ ఒమన్ బ్యాటర్లపై బుల్లెట్ లాంటి బంతులతో విరుచుకుపడ్డాడు. తన తొలి ఓవర్లోనే వరుస రెండు బంతుల్లో చార్లెస్ వికెట్లు తీశాడు. ఆ ఓవర్ను మెయిడెన్ వేయడమే కాకుండా మూడు వికెట్లతో ముగించాడు. ఈ స్పీడ్స్టర్ 21 పరుగులే ఇచ్చి 7 వికెట్లు ఖాతాలో వేసుకున్నాడు. చార్లెస్ విజృంభణతో ఒమన్ జట్టు 91 పరుగులకే కుప్పకూలింది. అనంతరం స్వల్ప లక్ష్యాన్ని స్కాట్లాండ్ 2 వికెట్లు కోల్పోయి 17.2 ఓవర్లలోనే ఛేదించింది.