టెన్నిస్ స్టార్ సానియా మీర్జా గురించి తెలియని వాళ్లు ఉండరు. ఆటతోనే కాదు.. పాకిస్థాన్ క్రికెటర్ షోయబ్ మాలిక్ను పెండ్లి చేసుకుని విడాకులు తీసుకునే వరకు ఆమె ఏం చేసినా సంచలనమే. సోషల్ మీడియాలో కూడా ఆమె ఏ పోస్ట్ పెట్టినా వైరల్గా మారుతుంది. ఇటీవల హజ్ యాత్రకు వెళుతూ సానియా చేసిన పోస్ట్ సంచలనంగా మారింది. హజ్ యాత్రతో తన జీవితంలో మార్పు వస్తుందని, బలమైన వ్యక్తిగా తిరిగి వస్తానని ఆ పోస్టులో సానియా పేర్కొన్నది.
ఇంకేం.. రెండో పెండ్లికి సానియా సిద్ధమవుతున్నదని.. నెట్టింట చర్చలు మొదలయ్యాయి. సానియా, భారత క్రికెట్ జట్టు బౌలర్ షమీ పెండ్లి చేసుకోనున్నారన్న వార్తలు తరచూ వైరల్ అవుతూ ఉంటాయి. ఈ పుకార్లను సానియా తండ్రి ఇమ్రాన్ మీర్జాతోపాటు షమీ కూడా కొట్టిపారేశారు. తన జీవితంలో విన్న అతిపెద్ద రూమర్ ఇదేనని షమీ క్లారిటీ కూడా ఇచ్చారు. అయినా.. సామాజిక మాధ్యమాలు వారిని ఇంకా టార్గెట్ చేస్తూనే ఉన్నాయి. తాజాగా సానియా పోస్టుపై రకరకాల వ్యాఖ్యానాలు చేస్తున్నారు నెటిజన్లు. తన పోస్టుపై సానియా మరింత క్లారిటీ ఇస్తే తప్ప ఈ రూమర్లు ఆగేలా లేవు.