IND vs ZIM : నామమాత్రమైన ఐదో టీ20లో భారత జట్టు ఆతిథ్య జట్టుకు భారీ లక్ష్యాన్ని నిర్దేశించింది. టాపార్డర్ విఫలమైనా సంజూ శాంసన్(58) హాఫ్ సెంచరీతో ఆదుకున్నాడు. పవర్ ప్లేలోనే కష్టాల్లో పడిన జట్టును రియాన్ పరాగ్(22)తో కీలక భాగస్వామ్యం నిర్మించి గట్టున పడేశాడు. ఆఖర్లో శివం దూబే (26) మెరుపు ఇన్నింగ్స్ ఆడడంతో భారత్ నిర్ణీత ఓవర్లలో 6 వికెట్ల నష్టానికి 167 రన్స్ కొట్టింది.
టాస్ ఓడిన భారత్ను జింబాబ్వే కెప్టెన్ సికిందర్ రజా ఆదిలోనే దెబ్బ కొట్టాడు. గత మ్యాచ్ హీరో యశస్వీ జైస్వాల్(12)ను బౌల్డ్ చేసి ఆతిథ్య జట్టుకు బ్రేకిచ్చాడు. దాంతో, శుభ్మన్ గిల్(13) ఆ ఆతర్వాత వచ్చిన అభిషేక్ శర్మ(14)తో ఇన్నింగ్స్ నిర్మించే ప్రయత్నం చేసినా ఫలించలేదు. ముబర్బని ఓవర్లో అభిషేక్ ఔటైన కాసేపటికే గిల్ను గరవ బొల్తా కొట్టించాడు. దాంతో, 40 పరుగులకే 3 కీలక వికెట్లు పడిన దశలో సంజూ శాంసన్ (58) పట్టుదలగా ఆడాడు. రియాన్ పరాగ్(22)తో కలిసి వికెట్ల పతనాన్ని అడ్డుకొని స్కోర్ బోర్డును ఉరికించాడు.
1⃣0⃣0⃣ up for #TeamIndia! 👏 👏
Vice-captain @IamSanjuSamson & @ParagRiyan complete a brisk 5⃣0⃣-run stand 🤝
Follow The Match ▶️ https://t.co/TZH0TNJcBQ #ZIMvIND pic.twitter.com/AYGyDZCBxq
— BCCI (@BCCI) July 14, 2024
నాలుగో వికెట్కు పరాగ్తో కలిసి 65 రన్స్ జోడించి జట్టు స్కోర్ 100 దాటించాడు. హాఫ్ సెంచరీ కొట్టాక భారీ షాట్ ఆడబోయి శాంసన్ ఔటైనా.. చివర్లో శివం దూబే(26 నాటౌట్) బౌండరీలతో విరచుకుపడ్డాడు. గరవ వేసిన 19వ ఓవర్లో వరుసగా 4, 6, 4 కొట్టాడు. ఆఖరి ఓవర్లో దూబే రనౌట్ అయ్యాక రింకూ సింగ్(11 నాటౌట్) సిక్సర్, ఫోర్ బాదడంతో టీమిండియా 167 రన్స్ చేసింది. జింబాబ్వే బౌలర్లలో బ్లెస్సింగ్ ముజర్బని రెండు వికెట్లు పడగొట్టాడు.