డల్లాస్: ఇంకొన్నాళ్ల పాటు టెస్టులు, వన్డేల్లో ఆడనున్నట్లు టీమిండియా కెప్టెన్ రోహిత్ శర్మ(Rohit Sharma) తెలిపాడు. ఇటీవల అమెరికాలో జరిగిన టీ20 వరల్డ్కప్ గెలిచిన నేపథ్యంలో రోహిత్ తన టీ20 కెరీర్కు గుడ్బై చెప్పిన విషయం తెలిసిందే. అయితే టెస్టులు, వన్డేలు ఆడుతాడా లేదా అన్న అనుమానాలు వ్యక్తం అవుతున్న నేపథ్యంలో రోహిత్ ఆ అంశంపై స్పందించారు. జింబాబ్వేతో జరిగిన టీ20 సిరీస్కు దూరంగా ఉన్న రోహిత్.. ఈ నెల చివరలో శ్రీలంకతో జరగనున్న వన్డే సిరీస్కు కూడా దూరంకానున్నాడు. అయితే ఆదివారం రాత్రి జరిగిన ఓ కార్యక్రమంలో రోహిత్ మాట్లాడుతూ.. మరీ ఎక్కువగా ఆలోచించడం లేదని, కొన్నాళ్లైనా టెస్టులు, వన్డేలు ఆడుతానని పేర్కొన్నాడు.
వరల్డ్ టెస్ట్ చాంపియన్షిప్తో పాటు వచ్చే ఏడాది ఫిబ్రవరిలో జరగనున్న చాంపియన్స్ ట్రోఫీకి రోహిత్ శర్మనే కెప్టెన్సీ బాధ్యతలు చేపట్టనున్నట్లు ఇటీవల బీసీసీఐ కార్యదర్శి జే షా పేర్కొన్న విషయం తెలిసిందే. రోహిత్ శర్మ 159 టీ20 మ్యాచుల్లో 4231 రన్స్ చేశాడు. దాంట్లో అయిదు సెంచరీలు, 32 హాఫ్ సెంచరీలు ఉన్నాయి.