IND vs BAN : సూపర్ 8 రెండో మ్యాచ్లో భారత జట్టు తొలి వికెట్ కోల్పోయింది. దంచికొడుతున్న ఓపెనర్ రోహిత్ శర్మ(23) భారీ షాట్ ఆడే క్రమంలో ఔటయ్యాడు. షకీబుల్ హసన్ బౌలింగ్లో సిక్సర్, ఫోర్ బాదిన హిట్మ్యాన్ నాలుగో బంతిని అంచనా వేయలేక జకీర్ అలీ చేతికి చిక్కాడు. దాంతో, 39 పరుగుల వద్ద టీమిండియా తొలి వికెట్ పడింది.
ప్రస్తుతం విరాట్ కోహ్లీ(27), రిషభ్ పంత్(3)లు భాగస్వామ్యం నెలకొల్పే పనిలో ఉన్నారు. రోహిత్ వికెట్ తర్వాత స్కోర్ వేగం తగ్గినా.. ముస్తాఫిజర్ వేసిన ఆరో ఓవర్లో కోహ్లీ కళ్లు చెదిరే సిక్సర్ బాదాడు. దాంతో, పవర్ ప్లేలో భారత్ వికెట్ నష్టానికి 53 రన్స్ కొట్టింది.
పొట్టి ప్రపంచకప్లో సెమీస్ బెర్తుకు చేరువైన భారత జట్టు (Team India) మరో విజయంపై కన్నేసింది. అజేయంగా దూసుకెళ్తున్న టీమిండియా శనివారం అంటిగ్వా వేదికగా బంగ్లాదేశ్ (Bangladesh)తో తలపడుతోంది. టాస్ గెలిచిన బంగ్లా సారథి నజ్ముల్ హుసేన్ శాంటో బౌలింగ్ తీసుకున్నాడు. లో స్కోర్లు నమోదవుతున్న అంటిగ్వా పిచ్పై భారత్ను తక్కువకే కట్టడి చేయడమే తమ ప్రణాళిక అని శాంటో తెలిపాడు.