IND vs BAN : పొట్టి వరల్డ్ కప్ వామప్ మ్యాచ్లో భారత ఆటగాళ్లు దంచుతున్నారు. ఐపీఎల్తో రీ-ఎంట్రీ ఇచ్చిన రిషభ్ పంత్(53) తన ఫామ్ కొనసాగిస్తూ హాఫ్ సెంచరీతో కదం తొక్కాడు. షకీబుల్ హసన్ బౌలింగ్లో బౌండరీతో అర్ధ శతకం పూర్తి చేసుకున్నాడు. ఆ వెంటనే రిటైర్డ్ హర్ట్గా డగౌట్కు వెళ్లడంతో సిక్సర్ల శివం దూబే క్రీజులోకి వచ్చాడు. మరో ఎండ్లో సూర్యకుమార్ యాదవ్(18) ధాటిగా ఆడుతున్నాడు. 12 ఓవర్లకు టీమిండియా స్కోర్.. 106/3.
టాస్ గెలిచిన భారత్ బ్యాటింగ్ తీసుకోగా.. రోహిత్ శర్మ (23) జతగా సంజూ శాంసన్(1) ఇన్నింగ్స్ ఆరంభించాడు. అయితే.. రెండో ఓవర్లోనే సంజూను షొరిఫుల్ ఇస్లాం ఎల్బీగా వెనక్కి పంపాడు. ఆ తర్వాత పంత్ తనదైన శైలిలో రెచ్చిపోయాడు. షకీబుల్ హసన్ వేసిన ఆరో ఓవర్లో మూడు సిక్సర్లతో జట్టు స్కోర్ 50 దాటించాడు. ఐటయ్యాడు. ఆ తర్వాత వచ్చిన సూర్యకుమార్తో పంత్ కీలక భాగస్వామ్యం నెలకొల్పాడు. దాంతో, 10 ఓవర్లకే 92 కొట్టిన భారత్ భారీ స్కోర్ దిశగా పయనిస్తోంది.