Virat Kohli | ఇండియన్ ప్రీమియర్ లీగ్లో మరో కీలక ఎలిమినేటర్ మ్యాచ్ జరుగనున్నది. రాయల్ చాలెంజర్స్ బెంగళూరు జట్టు రాజస్థాన్ రాయల్స్తో పోటీపడబోతున్నది. గుజరాత్ అహ్మదాబాద్ నరేంద్ర మోదీ స్టేడియంలో నేడు ఈ మ్యాచ్ జరుగనున్నది. మ్యాచ్కు ముందు మంగళవారం బెంగళూరు జట్టు ప్రాక్టీస్కు దూరమైంది. ప్రాస్టీస్ సెషన్ రద్దు చేసుకోవడంతో పాటు మీడియా సమావేశం సైతం జరుగులేదు. దీని వెనుక భద్రతా కారణాలు కారణమని వెలుగులోకి వచ్చింది.
బెంగళూరు ఆటగాడు విరాట్ కోహ్లీకి బెదిరింపులు వచ్చాయంటూ ఓ మీడియా నివేదిక సంచలన విషయం బయటపెట్టింది. సమాచారం ప్రకారం.. గుజరాత్ పోలీసులు సోమవారం రాత్రి అహ్మదాబాద్ విమానాశ్రయంలో నలుగురు అనుమానితులను అరెస్టు చేశారు. వారి నుంచి పలు ఆయుధాలు స్వాధీనం చేసుకోవడంతో పాటు వీడియోలు, సందేశాలను స్వాధీనం చేసుకున్నారు. దీనిపై బెంగళూరు, రాజస్థాన్ జట్లకు పోలీసులుకు సమాచారం అందించారు. విరాట్ కోహ్లీ భద్రత దృష్టిలో పెట్టుకొని బెంగళూరు ప్రాక్టీస్ సెషన్ను రద్దు చేసుకుందని మీడియా నివేదిక పేర్కొంది. అయితే, ఇప్పటి వరకు రెండు జట్లు ఇప్పటి వరకు అధికారికంగా స్పందించలేదు.
పోలీస్ అధికారి విజయ్ సింగ్ జ్వాలా మాట్లాడుతూ.. విరాట్ కోహ్లీ అహ్మదాబాద్ చేరుకున్న తర్వాత అరెస్టుల గురించి తెలిసిందని.. అతని భద్రతే తమ మొదటి ప్రాధాన్యత అన్నారు. ఆర్సీబీ రిస్క్ తీసుకోదలచుకోలేదని.. తమకు ప్రాక్టీస్ సెషన్ ఉండదని తెలియజేసినట్లుగా చెప్పారు. రాజస్థాన్ రాయల్స్కు సైతం సమాచారం అందించినట్లు చెప్పారు. అయితే, ప్రాక్టీస్కు వెళ్లడంలో ఎలాంటి సమస్య లేదని, అయితే రాజస్థాన్ ప్రాక్టీస్లో పాల్గొనట్లుగా విజయ్ సింగ్ జ్వాలా వివరించినట్లు మీడియా నివేదిక పేర్కొంది. ఇదిలా ఉండగా.. ఇవాళ జరిగే ఎలిమినేటర్ మ్యాచ్లో ఆర్సీబీ, రాజస్థాన్ పోటీ పడనున్నాయి. ఈ మ్యాచ్లో ఓడిన ఇంటిముఖం పడుతుంది. గెలిచిన జట్టు క్వాలిఫయర్-2లో సన్రైజర్స్ హైదరాబాద్తో తలపడనుంది.