Ravichandran Ashwin | చెన్నె: వెస్టిండీస్ వేదికగా జరిగిన టీ20 ప్రపంచకప్లో భారత్ గెలిచిన తర్వాత అటు ప్లేయర్లతో పాటు కోచింగ్, సహాయక సిబ్బంది తీవ్ర భావోద్వేగానికి లోనయ్యారు. సుదీర్ఘ కల సాకారమైన వేళ ఉబికివస్తున్న కన్నీళ్లను తుడుచుకుంటూ సహచరులతో కలిసి గెలుపు సంబురాల్లో పాల్గొన్నారు. ఇదే సందర్భంలో కోహ్లీ..టీ20 ప్రపంచకప్ ట్రోఫీని రాహుల్ ద్రవిడ్కు అందజేశాడు. కప్ అందుకున్న వెంటనే ఒక్కసారిగా గట్టిగా అరుస్తూ ద్రవిడ్ కండ్లకు నీళ్లు తెచ్చుకున్నాడని సీనియర్ స్పిన్నర్ అశ్విన్ చెప్పుకొచ్చాడు.
యూట్యూబ్ చానల్తో అశ్విన్ మాట్లాడుతూ ‘కోహ్లీ కప్ ఇచ్చిన తర్వాత ద్రవిడ్ ఒక్కసారిగా భావోద్వేగానికి గురయ్యాడు. అప్పటి వరకు గుంభనంగా ఉన్న ద్రవిడ్ కప్ను హత్తుకుని ఏడ్చేశాడు’ అని అన్నాడు. 2007 వన్డే ప్రపంచకప్లో ద్రవిడ్ కెప్టెన్సీలో భారత్ లీగ్ దశలోనే నిష్క్రమించగా, ప్లేయర్గా కాకపోయినా..కోచ్గా అతని ప్రపంచకప్ కలను నిజం చేసుకున్నాడని అశ్విన్ పేర్కొన్నాడు. ద్రవిడ్ హయంలో జట్టును సమతూకంగా మార్చాడని, దాని వెనుక అతని కష్టం ఎంతో దాగుందని అన్నాడు.