Rafael Nadal : టెన్నిస్ దిగ్గజం రఫెల్ నాదల్ (Rafael Nadal) మళ్లీ రాకెట్ అందుకున్నాడు. ఫ్రెంచ్ ఓపెన్ మధ్యలోనే వైదొలిగిన రఫా.. గాయం నుంచి కోలుకొని కొత్త ఉత్సాహంతో కోర్టులోకి దిగాడు. ప్యారిస్ ఒలింపిక్స్ (Paris Olympics)కు సన్నద్ధతలో భాగంగా నాదల్ టోర్నీలో స్వీడిష్ ఓపెన్ (Swedish Open)లో ఆడుతున్నాడు. నార్వేకు చెందిన కాస్పర్ రూడ్ (Casper Ruud)తో జత కట్టిన స్పెయిన్ బుల్ విజయంతో ట్రోఫీ వేట మొదలెట్టాడు.
మాజీ వరల్డ్ నంబర్ 1 నాదల్ మట్టి కోర్టులో తనకు ఎదురు లేదని మరోసారి చాటాడు. సోమవారం జరిగిన డబుల్స్ మ్యాచ్లో నాదల్ ఓడీ రెండో సీడ్ గిడో ఆండ్రియోజి, మిగెల్ రెయెస్ వరెలాపై సూపర్ విక్టరీ కొట్టింది. ఏకపక్షంగా సాగిన పోరులో 6-1, 6-4తో గెలుపొంది రెండో రౌండ్లోకి దూసుకెళ్లింది. ఇక మ్యాచ్ అనంతరం నాదల్ మాట్లాడుతూ మట్టి కోర్టులో మళ్లీ ఆడడం చాలా సంతోషంగా ఉందని అన్నాడు.
Starting with a bang 💥@RafaelNadal & @CasperRuud98 defeat the No.2 seeds Andreozzi/ Reyes-Varela 6-1 6-4 to begin their doubles campaign in Bastad!#NordeaOpen pic.twitter.com/QWcMvgs8x8
— Tennis TV (@TennisTV) July 15, 2024
‘వ్యక్తిగతంగా నేను చాలా సంతోషంగా ఉన్నా. ఇది నిజంగా మంచి మ్యాచ్. మేమిద్దరం తొలిసారి కలిసి ఆడుతున్నాం. అయినా గొప్ప ప్రదర్శన చేశాం. దాదాపు 20 ఏడ్ల తర్వాత ఇక్కడ మళ్లీ ఆడుతున్నందుకు హ్యాపీగా ఉన్నా. 2003, 2004, 2005లో ఇక్కడ మధుర జ్ఞాపకాలు పోగు చేసుకున్నా. అందకని ఈ వారం ఇక్కడ చాలా ఎంజాయ్ చేస్తున్నా’ అని నాదల్ తెలిపాడు. పురుషుల సింగిల్స్లో 22 గ్రాండ్స్లామ్స్ కొల్లగొట్టిన ఈ స్పెయిన్ లెజెండ్ ప్యారిస్ ఒలింపిక్స్లో పతకంపై గురి పెట్టాడు. విశ్వ క్రీడల్లో అతడు వింబుల్డన్ విజేత కార్లోస్ అల్కరాజ్ జతగా డబుల్స్ ఆడనున్నాడు.