న్యూఢిల్లీ: ఇటీవల ఒర్లిన్స్ మాస్టర్స్ టైటిల్ నెగ్గిన భారత యువ షట్లర్ ప్రియాన్షు రజావత్.. బీడబ్ల్యూఎఫ్ ర్యాకింగ్స్లోనూ సత్తాచాటాడు. మంగళవారం విడుదల చేసిన తాజా ర్యాంకింగ్స్లో ప్రియాన్షు కెరీర్ బెస్ట్ 38వ ప్లేస్కి దూసుకెళ్లాడు. గత వారం ప్రదర్శనతో ప్రియాన్షు 20 స్థానాలు ఎగబాకడం విశేషం. ప్రస్తుత ర్యాంకింగ్స్ జాబితాలో ప్రియాన్షు భారత్ నుంచి నాలుగో అత్యుత్తమ షట్లర్గా నిలిచాడు.
ప్రణయ్ (8వ ర్యాంక్), శ్రీకాంత్ (23వ ర్యాంక్), లక్ష్యసేన్ (24వ ర్యాంక్).. ప్రియాన్షు కంటే ముందున్నారు. సింధు 11వ ర్యాంక్లో సైనా 31 స్థానంలో కొనసాగుతున్నది. డబుల్స్లో సాత్విక్ -చిరాగ్ శెట్టి జోడీ ఆరో ర్యాంక్లో ఉంది.