Uppal Stadium | సిటీబ్యూరో, ఏప్రిల్ 6 (నమస్తే తెలంగాణ): చైన్నె సూపర్ కింగ్స్-సన్రైజర్స్ హైదరాబాద్ క్రికెట్ మ్యాచ్కు ముందు ఉప్పల్ స్టేడియానికి విద్యుత్ సరఫరా నిలిచిపోవడంతో చేలరేగిన వివాదానికి తెరపడింది. 2015లో ప్రారంభమైన విద్యుత్ బిల్లు వివాదాన్ని టీఎస్ఎస్పీడీసీఎల్ సీఎండీ ముషారఫ్ ఫరూఖీతో హైదరాబాద్ క్రికెట్ అసోసియేషన్(హెచ్సీఏ) అధ్యక్షుడు జగన్మోహన్రావు శనివారం చర్చించి, సమస్యను సామరస్యంగా పరిష్కరించడానికి మార్గం సుగమం చేశారు.
ఇందులో భాగంగా వాయిదా పద్ధతిలో పెండింగ్లో ఉన్న బకాయిలను చెల్లిస్తామని హెచ్సీఏ పెట్టిన ప్రతిపాదనను టీఎస్ఎస్పీడీసీఎల్ సీఎండీ అంగీకరించారు. దీంతో తొలి వాయిదాను త్వరలోనే చెల్లిస్తామని హెచ్సీఏ తెలిపింది. ఉప్పల్ క్రికెట్ స్టేడియంకు సంబంధించిన మొత్తం విద్యుత్ బకాయిలు సుమారు రూ.1.67 కోట్లుగా ఉందని, మొత్తం ఎన్ని వాయిదాల్లో చెల్లిస్తారన్నది విద్యుత్ అధికారులు స్పష్టం చేయలేదు.