Team India | న్యూఢిల్లీ: ఏ సిరీస్లో ఆడాలి.. ఎందులో ఆడవద్దు అనేది ప్లేయర్ల ఎంపిక కాదని బీసీసీఐ చీఫ్ సెలెక్టర్ అజిత్ అగర్కార్, నూతన కోచ్ గౌతం గంభీర్ స్పష్టం చేశారు. వర్క్లోడ్ మేనేజ్మెంట్కు అనుగుణంగా ప్లేయర్ల రొటేషన్ జరుగుతుందని పేర్కొన్నారు. పరిమిత ఓవర్ల సిరీస్ల కోసం సోమవారం శ్రీలంకకు బయల్దేరే ముందు గంభీర్, అగర్కార్ పలు అంశాలపై మీడియాతో మాట్లాడారు. ముఖ్యంగా వర్క్లోడ్ మేనేజ్మెంట్పై వీరిద్దరు స్పష్టత ఇచ్చే ప్రయత్నం చేశారు. ‘బ్యాటర్లకు, బౌలర్లకు పని ఒత్తిడి విషయంలోచాలా క్రిస్టల్ క్లియర్గా ఉన్నాం. ఇంతకుముందు చెప్పినట్లు ఉదాహరణగా బుమ్రాపై ఒక రకంగా ఒత్తిడి ఉంటే..మంచి ఫామ్లో ఉన్న బ్యాటర్లు అన్ని మ్యాచ్లు ఆడితే దానిని పరిగణనలోకి తీసుకుంటాం.
అంతేగానీ వరుస సిరీస్లు ఆడినంత మాత్రాన ప్లేయర్లకు విశ్రాంతినిచ్చే ఆలోచన చెయ్యం. ఏదైనా 2027 వన్డే ప్రపంచకప్ దృష్టిలో పెట్టుకుని నిర్ణయాలు ఉంటాయి’ అని అన్నారు. రోహిత్శర్మ వారసునిగా టీ20 కెప్టెన్గా హార్దిక్పాండ్యా నియమించకపోవడంపై అగార్కర్ స్పందిస్తూ ఫిట్నెస్తో పాటు డ్రెస్సింగ్ రూమ్లో ప్లేయర్ల ఫీడ్బ్యాక్ ఆధారంగా ఈ నిర్ణయానికి వచ్చామని అన్నారు. కోహ్లీతో సంబంధాలు ఎలా కొనసాగుతాయన్న దానికి గంభీర్..మీ టీఆర్పీలు పెంచుకోవడానికి మరేం లేదంటూ తనదైన శైలిలో సమాధానమిచ్చాడు.