పారిస్: పారిస్ ఒలింపిక్స్(Paris Olympics) ప్రారంభోత్సవ సంబరాల్లో భాగంగా .. కళాకారులు ప్రదర్శించిన లాస్ట్ సప్పర్ పేరడీపై విమర్శలు వస్తున్నాయి. ఆన్లైన్లో ఆ ప్రదర్శనపై విపరీతంగా ట్రోలింగ్ జరుగుతోంది. భారీ టేబుల్ ముందు జీసెస్తో పాటు అతని 12 మంది శిష్యులు భోజనం చేసినట్లు ఉన్న డావిన్సీ ఫోటో ఆధారంగా .. ఓపెనింగ్ సెర్మనీలో డ్రాగ్ క్వీన్ కళాకారులు లాస్ట్ సప్పర్ పేరడీ చేశారు. క్రైస్తవ కమ్యూనిటీ ఈ పేరడీని తీవ్రంగా విమర్శిస్తున్నారు. దీంట్లో 18 మంది కళాకారులు పాల్గొన్నారు. జీసెస్తో పాటు అతని శిష్యులు కూర్చిన భోజనం చేస్తున్నట్లుగానే.. ఆ స్టంట్లో ప్రదర్శన ఇచ్చారు. అయితే ఓ మహిళ తన తలకు భారీ వెండి కవచాన్ని ధరించి కనిపించింది. దీన్ని విమర్శకులు తప్పపడుతున్నారు. లాస్ట్ సప్పర్ షోలో ఓ చిన్న పిల్ల కూడా ఉన్నది. అయితే ఆ అమ్మాయిని ఎందుకు ప్రదర్శనలో ఉంచారని కూడా కొందరు విమర్శిస్తున్నారు.
లాస్ట్ సప్పర్ షోకు చెందిన వీడియోలు ప్రస్తుతం వైరల్ అవుతున్నాయి. ఇది క్యాథలిక్ క్రైస్తవులను అవమానించడమే అని సోషల్ మీడియా యూజర్లు ఆరోపిస్తున్నారు. హాస్యపూరితమైన రీతిలో ప్రజల్లో చైతన్యం కల్పించాలన్న ఉద్దేశంతోనే ఆ పర్ఫార్మెన్స్ ఏర్పాటు చేసినట్లు నిర్వాహకులు తెలిపారు. ప్రపంచ వ్యాప్తంగా ఉన్న 2.4 బిలియన్ల క్రైస్తవులను అవమానించినట్లే అని మరొకరు పేర్కొన్నారు. జీసెస్ను ఓ మహిళగా, అతని శిష్యులను ట్రాన్స్వెస్టీలుగా చిత్రీకరించారని, ఇది లాస్ట్ సప్పర్ను అగౌరవపరచడమే అని బ్రాడ్కాస్టర్ నియాల్ బాయ్లాన్ తెలిపారు.
Controversy erupts as the Paris Olympics’ Pride celebration features a Last Supper-themed event, sparking outrage among Christian communities worldwide. 🌈⛪️ #ParisOlympics #Pride #LastSupper #paris2024olympics pic.twitter.com/Pn1qxW2Rxt
— 3 Ps & A Pod (@3Ps_Pod) July 26, 2024