IND vs BAN : అంటిగ్వాలో హాఫ్ సెంచరీతో మెరిసిన హార్దిక్ పాండ్యా(Hardhik Pandya) భారత్కు బ్రేకిచ్చాడు. భారీ ఛేదనలో దంచుతున్న డేంజరస్ ఓపెనర్ లిట్టన్ దాస్(10) ను ఔట్ చేశాడు. సిక్సర్ బాదిన దాస్.. ఆ ఆ తర్వాత భారీ షాట్ ఆడాడు. బౌండరీ దగ్గర ఉన్న సూర్యకుమార్ యాదవ్ చక్కని క్యాచ్ పట్టడంతో బంగ్లాదేశ్ తొలి వికెట్ పడింది. ప్రస్తుం తంజిబ్ హసన్(25), కెప్టెన్ నజ్ముల్ హుసేన్ శాంటో(2)లు ఆచితూచి ఆడుతున్నారు. పవర్ ప్లేలో బంగ్లా స్కోర్.. 42-1.
సెమీస్ బెర్తును నిర్ణయించే పోరులో భారత ఆటగాళ్లు తలా కొన్ని పరుగులతో రాణించారు. ఒకదశలో బంగ్లాదేశ్ పేసర్ తంజిమ్ షకీబ్ చెలరేగినా.. వైస్ కెప్టెన్ హార్దిక్ పాండ్యా(50 నాటౌట్) వీరబాదుడు బాదాడు. టాపార్డర్లో విరాట్ కోహ్లీ(37), రిషభ్ పంత్(36)లు సైతం మెరుపు ఇన్నింగ్స్ ఆడారు. దాంతో, టీమిండియా నిర్ణీత ఓవర్లలో 5 వికెట్ల నష్టానికి 196 రన్స్ కొట్టింది. తద్వారా రోహిత్ సేన మెగా టోర్నీలో అత్యధిక స్కోర్ నమోదు చేసింది.