ఫ్లోరిడా: టీ20 ప్రపంచకప్లో ఇప్పటికే సూపర్-8 రేసు నుంచి తప్పుకున్న పాకిస్థాన్.. ఈ టోర్నీలో తమ ఆఖరి మ్యాచ్ను విజయంతో ముగించింది. ఫ్లోరిడా వేదికగా ఆదివారం ఐర్లాండ్తో జరిగిన ‘లో స్కోరింగ్ థ్రిల్లర్’లో 3 వికెట్ల తేడాతో గెలిచింది. ఐర్లాండ్ నిర్దేశించిన 107 పరుగుల ఛేదనలో తడబడ్డా.. పాక్ సారథి బాబర్ ఆజమ్ (32 నాటౌట్), షహీన్ షా అఫ్రిది ఆల్రౌండ్ ప్రదర్శనతో ఆ జట్టుకు ఓదార్పు విజయం దక్కింది.
ఐర్లాండ్ 20 ఓవర్లలో 9 వికెట్ల నష్టానికి 106 పరుగులకే పరిమితమైంది. డెలాని (31), జోషువా లిటిల్ (22 నాటౌట్) మెరుపులతో ఆ జట్టు మూడంకెల స్కోరు చేయగలిగింది. షహీన్ షా అఫ్రిది (3/22), ఇమాద్ వసీం (3/8) రాణించారు. స్వల్ప ఛేదనలో పాక్ సైతం తడబడింది. రిజ్వాన్ (17), సయీమ్ (17) ఫర్వాలేదనిపించారు. వన్డౌన్లో వచ్చిన బాబర్ చివరిదాకా క్రీజులో నిలిచి కీలక ఇన్నింగ్స్ ఆడాడు. ఆఖర్లో అబ్బాస్ అఫ్రిది (17) ఔట్ అయినా షహీన్ (13 నాటౌట్) రెండు భారీ సిక్సర్లతో ఐర్లాండ్ ఆశలపై నీళ్లు చల్లాడు. షహీన్కే ‘మ్యాన్ ఆఫ్ ద మ్యాచ్’ అవార్డు దక్కింది.