IND vs ZIM : పొట్టి సిరీస్ను పట్టేసేందుకు యువ భారత జట్టు సిద్ధమైంది. జింబాబ్వే పర్యటనలో వరుసగా రెండో విజయంతో జోరు మీదున్న శుభ్మన్ గిల్ (Shubman Gill) సేన నాలుగో టీ20లో గెలుపే లక్ష్యంగా ఆడనుంది. హరారే స్పోర్ట్స్ స్టేడియంలో జరగుతున్న మ్యాచ్లో టాస్ గెలిచిన గిల్ బౌలింగ్ తీసుకున్నాడు.
ఐపీఎల్లో అదరగొట్టిన యువ పేసర్ తుషార్ దేశ్పాండే ఈ మ్యాచ్తో అంతర్జాతీయ టీ20ల్లో అరంగేట్రం చేయనున్నాడు. అవేశ్ ఖాన్ స్థానంలో అతడు జట్టులోకి వచ్చాడని గిల్ తెలిపాడు. సిరీస్ సమం చేయాలనే కసితో ఉన్న ఆతిథ్య జట్టు కూడా ఒక మార్పుతో బరిలోకి దిగనుంది.
Here’s a look at #TeamIndia‘s Playing XI for the 4th T20I 👌👌
Tushar Deshpande makes his international Debut 👏👏
Follow The Match ▶️ https://t.co/AaZlvFY7x7#ZIMvIND pic.twitter.com/BEPBuEdC2k
— BCCI (@BCCI) July 13, 2024
భారత జట్టు : శుభ్మన్ గిల్(కెప్టెన్), యశస్వీ జైస్వాల్, అభిషేక్ శర్మ, రుతురాజ్ గైక్వాడ్, సంజూ శాంసన్(వికెట్ కీపర్), శివం దూబే, రింకూ సింగ్, వాషింగ్టన్ సుందర్, రవి బిష్ణోయ్, తుషార్ దేశ్పాండే, ఖలీల్ అహ్మద్.
జింబాబ్వే జట్టు : తడివనషె మరుమని, వెస్లీ మధెవెరె, బ్రియాన్ బెన్నెట్, డియాన్ యెర్స్, సికిందర్ రజా(కెప్టెన్), జొనాథన్ క్యాంప్బెల్, క్లైవ్ మడండె(వికెట్ కీపర్), ఫరాజ్ అక్రమ్, రిచర్డ్ గరవె, బ్లెస్లింగ్ ముజరబని, టెండాయ్ చతర.
ఓటమితో సిరీస్ను ఆరంభించినా.. ఆ తర్వాత భారత కుర్రాళ్లు దంచేస్తున్నారు. ఓపెనర్గా అభిషేక్ శర్మ మెరుపు సెంచరీతో బోణీ కొట్టిన టీమిండియా ఆ తర్వాతి గేమ్లో ఆల్రౌండ్ షోతో అదరగొట్టింది. ఐదు టీ20ల సిరీస్లో 2-1తో ఆధిక్యంలో ఉన్న గిల్ సేన ఈ మ్యాచ్ గెలిస్తే సిరీస్ అందినట్టే.