బుదాపెస్ట్: జావెలిన్ త్రోయర్ నీరజ్ చోప్రా(Neeraj Chopra).. వరుసగా సూపర్ పర్ఫార్మెన్స్ ఇస్తున్న విషయం తెలిసిందే. తాజాగా వరల్డ్ అథ్లెటిక్స్ చాంపియన్షిప్లో అతను స్వర్ణ పతకాన్ని కైవసం చేసుకున్నాడు. జావెలిన్ను 88.17 మీటర్ల దూరం విసిరి .. ఈమెంట్లో టాప్ లో నిలిచాడు. అయితే గోల్డ్ మెడల్ గెలిచిన నీరజ్ చోప్రాకు.. 70 వేల డాలర్ల క్యాష్ ప్రైజ్ ఇచ్చారు. అంటే సుమారు 58 లక్షల నగదు అన్నమాట. ఇక ఈ ఈవెంట్లో రెండో స్థానంలో నిలిచిన పాకిస్థాన్ అథ్లెట్ అర్షద్ నదీమ్కు 35 వేల డాలర్లు అంటే 29 లక్షల ప్రైజ్మనీ దొరికింది. మూడవ స్థానంతో కాంస్యం గెలిచిన వడ్లేజ్కు 22 వేల డాలర్ల ప్రైజ్మనీ దక్కింది. అంటే దాని విలువ 18 లక్షలు.
జావెలిన్ ఈవెంట్లోనే ఇండియాకు చెందిన మరో ముగ్గురు అథ్లెట్లు టాప్ 8 స్థానాల్లో ప్లేస్ దక్కించుకున్నారు. కిశోర్ జేనా అయిదవ, డీపీ మనూ ఆరవ స్థానాల్లో నిలిచారు. గతంలో వరల్డ్ చాంపియన్షిప్లో ఎప్పుడు కూడా ముగ్గురు ఇండియన్లు టాప్ 8 స్థానాల్లో నిలువలేదు.