Paris Olympics : ఒలింపిక్స్ పండుగకు సమయం దగ్గర పడింది. మరో వారం రోజుల్లో ప్యారిస్ నగరంలో విశ్వ క్రీడల ఆరంభ వేడుకలు అట్టహాసంగా, సంబురంగా జరుగనున్నాయి. మెగా టోర్నీ కోసం ఇప్పటికే పలు దేశాల అథ్లెట్లు, క్రీడాకారులు ప్యారిస్ చేరుకున్నారు. దాంతో, ప్యారిస్ పోలీసులు నగరంలో భద్రతను కట్టుదిట్టం చేశారు.
ఒలింపిక్ విలేజ్ను ‘గ్రే జోన్’ (Grey Zone)గా ప్రకటించి బందోబస్తు ఏర్పాటు చేశారు. 9 వేలమంది పోటీదారులు.. వాళ్లకు సాయంగా వచ్చిన 5 వేల మంది సిబ్బందితో కలిపి మొత్తం 14 వేలమందికి విడిది కేంద్రమైన ఒలింపిక్ గ్రామాన్ని ప్యారిస్ పోలీసులు తమ గుప్పిట్లోకి తీసుకన్నారు.
J-7 ✨
Le weekend dernier, la Flamme Olympique était de passage à Paris, et dans 7 jours, elle reviendra dans la capitale pour allumer la vasque et marquer le début de nos Jeux de #Paris2024 💫
–
D-7 ✨
Last weekend, the Olympic Torch Relay passed through Paris, and in 7 days, it… pic.twitter.com/5C9POIOqG9— Paris 2024 (@Paris2024) July 19, 2024
సెక్యూరిటీ పాస్లు ఉన్నవాళ్లను, క్యూఆర్ కోడ్ను స్కానింగ్ పూర్తి చేసిన వాళ్లను మాత్రమే ఒలింపిక్ గ్రామంలోకి అనుమతిస్తున్నారు. ఆటగాళ్లకు ఏ లోటూ రాకుండా అన్ని వసతులు కల్పించడంతో పాటు చిన్నపాటి భద్రతా లోపం ఏర్పడకుండా పటిష్టమైన చర్యలు తీసుకున్నారు. చేశారు.
జూలై 26వ తేదీన ప్యారిస్లో ఒలింపిక్స్ పోటీలు ప్రారంభం కానున్నాయి. ఈసారి భారత జట్టు 117 మందితో కూడిన బృందంతో విశ్వ క్రీడలకు వెళ్లింది. రెండేండ్ల క్రితం ఆసియా గేమ్స్ (Asian Games)లో పతకాల సెంచరీ కొట్టిన అథ్లెట్లు, క్రీడాకారులు ఈసారి ఒలింపిక్స్లో సత్తా చాటేందుకు సిద్ధమయ్యారు. ముఖ్యంగా రెజ్లింగ్, షూటింగ్, జావెలిన్ త్రో, టెన్నిస్, బ్యాడ్మింటన్, 3 వేల మీటర్ల స్టీపుల్ ఛేజ్లో భారత్కు పతకాలు ఖాయమనిపిస్తోంది.