హైదరాబాద్, ఆట ప్రతినిధి: నగరంలో ఆదివారం జరిగిన ఒలింపిక్ డే రన్ ఉత్సాహంగా ముగిసింది. సుమారు ఐదు వేల మందికి పైగా రన్నర్లు ఈ కార్యక్రమంలో పాలుపంచుకున్నారు. ఆదివారం ఉదయం 7 గంటలకు నగరంలోని పలు ప్రాంతాల నుంచి 8 బృందాలుగా మొదలైన రన్నర్లు ఎల్బీ స్టేడియం చేరుకుని పరుగు పూర్తిచేశారు. ఈ కార్యక్రమం ముగింపు వేడుకకు ముఖ్య అతిథిగా వచ్చిన రాష్ట్ర అబ్కారీ శాఖ మంత్రి జూపల్లి కృష్ణారావు మాట్లాడుతూ.. క్రీడారంగం అభివృద్ధికి తమ ప్రభుత్వం కట్టుబడి ఉందని తెలిపారు.