NZ vs AUS | క్రైస్ట్చర్చ్: ఆస్ట్రేలియాతో జరుగుతున్న రెండో టెస్టులో న్యూజిలాండ్ స్వల్ప ఆధిక్యం సాధించింది. వందో టెస్టు ఆడుతున్న కేన్ విలియమ్సన్ (51)తో పాటు టామ్ లాథమ్(65 బ్యాటింగ్) అర్ధసెంచరీలతో కివీస్ రెండో ఇన్నింగ్స్లో రెండు వికెట్ల నష్టానికి 134 స్కోరు చేసింది. లాథమ్తో పాటు రచిన్ రవీంద్ర (11) క్రీజులో ఉన్నాడు.
మూడు రోజులు మిగిలున్న మ్యాచ్లో కివీస్ 40 పరుగుల స్వల్ప ఆధిక్యంలో కొనసాగుతున్నది. అంతకుముందు ఓవర్నైట్ స్కోరు 124/4తో తొలి ఇన్నింగ్స్కు దిగిన ఆసీస్..256 పరుగులకు ఆలౌటైంది. మ్యాట్ హెన్రీ (7/67) విజృంభణతో కంగారూ బ్యాటర్లు కుదేలయ్యారు. లబుషేన్ (90) ఒంటరిపోరాటం మినహా అందరూ స్వల్ప స్కోర్లకు పరిమితమయ్యారు.