టుర్కు(ఫిన్లాండ్): భారత స్టార్ జావెలిన్త్రోయర్ నీరజ్ చోప్రా..అద్భుత ప్రదర్శన దిగ్విజయంగా కొనసాగుతున్నది. ప్రతిష్ఠాత్మక పారిస్ ఒలింపిక్స్కు ముందు నీరజ్ మరోమారు సత్తాచాటాడు. పావో నుర్మి గేమ్స్లో నీరజ్ పసిడి పతకంతో మెరిశాడు. మంగళవారం జరిగిన జావెలిన్త్రో ఫైనల్లో చోప్రా..బరిసెను 85.97మీటర్ల దూరం విసిరి అగ్రస్థానంలో నిలిచాడు.
రెండేండ్ల క్రితం ఇదే టోర్నీలో రజత పతకం దక్కించుకున్న ఈ స్టార్ అథ్లెట్ ఈసారి అదరగొట్టాడు. ఇదే విభాగంలో పోటీపడ్డ ఫిన్లాండ్కు చెందిన టోనీ కెరానెన్(84.19మీ), ఒలివర్ హేలాండర్(83.96మీ) వరుసగా రజత, కాంస్య పతకాలు కైవసం చేసుకున్నారు. ఇటీవలే దోహా డైమండ్ లీగ్లో రెండో స్థానంలో నిలిచిన నీరజ్..ఫెడరేషన్కప్(భువనేశ్వర్)లో స్వర్ణం సాధించాడు. అయితే తొడకండరాల గాయంతో దాదాపు నెల రోజుల పాటు పోటీలకు దూరంగా ఉన్నాడు.